Iraq hetê Tirkîya ra bi awe ameyo tehtîdkerdiş

Tevgera Azadî, derheqê ablûkaya Mexmûrî de Parlamentoyê Iraqî rê mektube erşawite û dîyar kerd ke Iraq hetê Tirkîya ra bi awe yeno tehtîdkerdiş.

Artêşê Iraqî, 20ê Gulane ra nat Mexmûr bi çekanê giranan girewto binê ablûka. Wazenê kampe bi telan bigerê la vera nînan şarê Mexmûrî xo ver dano.

Tevgera Azadî, derheqê ablûka de Parlamentoyê Iraqî rê mektubêk nuşte û teslîmê ofîsê hukmatî yê Silêmanîye kerd.

Mektube de ame vatiş ke, “Artêşê Iraqî kampa Mexmûrî bi çekanê giranan girewto binê ablûka û 2 kesî merdê. Mabênê artêş û şarî de pêvînayîşêk bîyo û eskeran vato, ‘Tirkîya Iraq ra waşto wa kampa Mexmûrî bila bikera.’ Înan dîyar kerdo ke Tirkîya vata eke şima mekerê, ma do awa şima bibirnê. Coka hukmatê Iraqî wazeno kampe bi telan bigerê û dima zî vila bikerê. Nê pêroyî planê Tirkîya, Iraq û PDKyî yê. 

Ma sey Tevgera Azadî hêrişanê vera kampa Mexmûrî şermezar kenê. Ma nêwazenê şarê Mexmûrî bibo malzemeyê sîyasetî. Ganî Iraq meseleyanê awe û sînorî bi qanûnanê mîyannetewîyan safî bikero.”

ROJNEWS / MEXMÛR