Xoverdayîşê Mexmûrî dewam keno

Roniştoxê Mexmûrî roja hîrêyîne de vera artêşa Iraqî xoverdayîşê xo domnenê.

Şar xeyman de nobete keno û vano ke heta ke artêşa Iraqî xo apey nêşora xoverdayîşê xo rê dewam bikero.

Xoverdayoxanê nobete ra Fatma Cizîrî îfade kerd ke dewleta Iraqî înan rê neheqîye kena. Fatma vat: “Cara tîya seke zîndano serakerde yo. Hînî ê ma ra çi wazenê? Ma do heta peynî xo ver bidê.”

Cinîya ciwane Jîyan Posate ard ziwan ke artêşa Iraqî kena ke debikewa qampe û vat: “5 noqtayan de artêşe hêrişê ma kerd. Nika xoverdayîşêko bêhempa est o. Ciwan û dadîyî hê xo ver danê. Ganî şarê Başûrî, Neteweyê Yewbîyayeyî û şarê ma yê Ewropa paştî bidê xoverdayîşê ma. Ma ablûqaya têlan nêwazenê. Artêşa Iraqî îdîa kena ke şar ney wazeno, la şar nêwazeno. 30 serrî yo ma xo bi xo pawenê, hewceyê ma bi înan çin o. Eke ê wazenê ma bipawê, wa hêrişanê hewayî vindarnê.”

XWEBÛN