Mexmûr de ablûka dewam kena

Artêşê Iraqî vizêr ancîyabi la ewro reyna Mexmûr gêrîyayo binê ablûka.

Artêşê Iraqî wazeno dormaleyê Mexmûrî bi telan bigero. Artêşê Iraqî ewro zî kampe girewt binê ablûka. Şarê kampe zî dest bi çalakîye kerde.

Hacer Kara ya ke çalakîye de tewr verniye de ya va, “Hukmetê mintiqa û şerîkê ci wazenê Mexmûrî bi telan bigerê binê ablûka. 4 serrî yo ke ambargoyêk dewam keno. Ganî her kes vera nînan xo ver bido. Ganî nê zulmî rê îtîrazî bibê. Ma teslîmîyetî qebûl nêkenê.”

Bi tedaya Tirkîya ablûka dest pêkerde

Abdullah Oyî dîyar kerd ke Hukmatê Iraqî de problemî heta nika çin bî û va, “Ma zulme dewleeta Tirke ver remayê ameyê tîya û nika zî wazenê dormeyê kampa m abi telan bigerê. Ma do ney qebûl mekerê. Xora heta nika ma binê ambargo de bîyê. No do bibo ambargoyo dîyin. Ganî vera nê hêrişan Kurdî bibê yew. Erdogan wazeno Kurdan tasfîye bikero. Ça de Kurdê welatperwerî bibê, wazenê  înan tasfîye bikerê.”

Eyşe Roboskî ya ke vera ambargoyî xo ver dana va, “Ma do kampa Mexmûrî teslîm mekerê. Ma do ver ana bêhiqûqîye xo ver bidê. Hukmatê Iraqî heta nika seba ma çîyêk nêkerd. M abi îmkananê xo cuya xo ramnaye. Ewro ra têpîya zî ma do wina bikerê.”

YENÎ YAŞAM