Festîvala Kulturê Kurdan a Frankfurtî do 9ê Êlule de bêra kerdene. Nuştoxe Elfiede Jelineke û hunermend Konstantin Weckerî waşt ke her kes tewrê Festîvala Kulturê Kurdan a Frankfurtî bibo.
Nuştoxe Elfriede Jelineke û hunermend Konstantin Weckerî vat ke wa her kes tewrê Festîvala Kulturê Kurdan a Frankfurtî bibo.
Jelineke û Weckerî mesajê xo de wina vat: “Serewedaritişê Îranî seba perspektîfê dinya yê femînîstî hêvîyêke afernaye; Jin, Jiyan, Azadî! Têgêrayîşê femînîstanê kurdan na hêvî de wayîrê rolêkê girîngî yê. Şerwaz û sîyasetmedarî nêeşkenê xeyalanê ma qedexe bikerê.
Hukmatê Almanya paştî dano Erdoganê kiştoxî. Artêşa tirke ya NATOyî 2018 de Efrîn îşxal kerd û vera kurdanê Efrînî sûcanê şerî kena. Rojawan û Kurdistan ma pêroyînan eleqedar kenê. Rojawan vera pederşahîye, şer û şîdetî cayê demokrasî, femînîzm, ekolojî û komelî yo. Coka ma şaranê dinya ra wazenê ke seba Rojawanî û vera şeran vejîyê waran.
Endama NATOyî Tirkîya koyanê Kurdistanî de sûcanê şerî kena la nêna muhakemekerdene. Nê sûcan ra yew zî no yo ke 25 serrî verî Andrea Wolf/Ronahîye, hunermend Hozan Hogir û çend kesê bînî Wan de hetê dewleta tirke ra tepişîyayî û bi îşkenceyî ameyî qetilkerdene. 29ê teşrîna peyêne ya 2015î de zî dewleta tirke gorê Andrea xera kerd.
Abdullah Ocalan sîyasetmedarêko kurd o û teorîsyenêk o. O 24 serrî yo Zîndanê Îmraliyî de binê tecrîdî de yo. Seba çareserîya meseleya kurdan ganî Abdullah Ocalan vera bidîyo û Almanya qedexeyê vera PKKyî wedarna.”
XWEBÛN
