Kedkarê Kirmanckî ma ra oxirê xo waşt

pêncşem 10 teşrînê 2022 - 11:14

Kedkarê Kirmanckî Mamosta Mehmûd Nêşite wefat kerd.

Mamosta Mehmûd Nêşite, 1945î de dewa Licêyî ya Xosorî de ame dinya. Mamosta Mahmûd Nêşite kedkarê Kirmanckî bi û derheqê ziwanî de xebatê zaf erjîyayeyî kerdê. Ey bi serran kursê Kirmanckîyî dayê û eynî wextî de endamê Grûba Xebate ya Vateyî bi. 

Ey bi taybetî warê hîkayenuştişî de xo rê cayêko qeyîm awan kerdibi. Hîkayeyanê ey de ma raştîyanê welatî bi ziwanê ci yê dewlemendî wanenê. Kitabê ey ê hîkayeyan ‘Çaketo Sipî’ hetê Weşanxaneyê Vateyî ra ame weşanayene. Mamoste Mehmûd Nêşite hîkayenuştoxo serkewte bi. Mamosta Mehmûdî heya peynîya emrê xo ziwanê xo rê û şarê xo rê xizmetî kerdê.

Mamosta Mehmûd Nêşite vîzêr Dîyarbekir de wefat kerd. Cinazaya ey Mezelcayê Yenîkoyî de ameye definkerdiş. Ezayîya ey Camîya Bedîuzzemanî ya qezaya Peyasî de ameye ronayene. Kurdî do kedanê ey xo vîrî ra mekerê. Oxirê to xêr Mamosta Mehmûd.

MERKEZÊ XEBERAN

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.