Nuştox û Cigêrayox Munzur Çem şi heqîya xo

Nuştox û cigêrayox o Kurd Munzur Çem Almanya Berlîn de şi heqîya xo.

Nuştox Selîm Temoyî hesabê xo yê medyaya sosyale ser ra pare kerde û va, “Cigêrayoxo Dêrsimij, arêkerdox, ziwanzan û nuştox, vayê koyanê welatî, embazê Seyîd Rizayî û mamosteyê ma Munzur Çem şîyo heqîya xo. Heq sebir bido şarê ma û keyeyê ci rê.”

Munzur Çem Kam o?

Munzur Çem, 1947î de dewa Qurzeyî ya Gêxîyî de ame dinya. Mamoste Munzurî 1970an de dest bi nuştişî kerd. Xeylê kitabê xo bi sewbîna nameyan nuştê. Bi Kirmanckî û Tirkî xeylê kitabê ci estê. Mamoste Munzurî mîyanê Grûba Xebate ya Vateyî de kedêka pîle daye. Endamanê awankerdoxanê Kurd-PENî ra bi. Derheqê kultur, ekonomî û polîtîkayî de xeylê meqaleyê ci estê. Mamoste Munzur Çem tedawîyê nêweşîya penceşîrî dîyêne û Berlîn de cuwîyayêne.

PÎRHA