Ferît Şenyaşar: Îqtîdar do bi dej û zulmî bêro yadkerdene

Ferît Şenyaşar roja 739ine ya Nobeta Edaletî de qisey kerd û va, “Îqtîdar ke weçînitîşî ra dima şi, do bi dej û zulmî bêro yadkerdene.

Nobeta Edaletî ya ke hetê Emîne Şenyaşere û Ferît Şenyaşarî ra vernîya Edlîyeya Rihayî de yena girewtene, 739 rojî ra nat dewam kena. 

Ferît Şenyaşarî nobete de qisey kerd û va, “Nêweşxane de qetlîamêk ame kerdene. Şahidî û dîmenê kamerayan estê. La seba ke qetlîam hetê wekîlê îqtîdarî ra ameyo kerdene, hiqûq nêame ramitene û wezîfeya xo nêarde ca. Coka hema zî no zulim dewam keno. Ez û dadîya xo ma 2 serrî yo ke tîya de nobete gene. No îqtîdar ke badê weçînitişî şi, do bi dej û zulmî bêro yadkerdene. Bêedaletîya tewr pîle na edlîya de bena.”

Şenyaşarî derheqê girewtişê 23 kesan de qisey kerd û va, “Na bêhiqûqî ya. Wextêk ra dima do weçînitişêk bibo. Badê weçînitişî, êyê ke nê qerarî danê do hesabê ci bidê.”

MA / RIHA