Vernîya edlîya de nobeta peyêne: Yan ma şonê keye yan zî şonê Enqera

Keyeyê Şenyaşarî, nobeta xo ya vernîya edlîya roja xo ya 846ine de qedînaye.

Nobeta Edaletî ya Emîne Şenyaşare û keyeyê ci roja xo ya 846ine de ameye qedîyayene. 18ê Temûze do do Meletî de roniştişê dewa bêro kerdene. Hetê keyeyî ra ame dîyarkerdiş ke eke edelet awan mebo, ê do nobeta xo Enqera de biramnê.

Wa na bêhiqûqîye biqedîya

Nobeta peyêne de Parlamenterê Partîya Çep a Keske yê Rihayî Ferît Şenyaşarî qisey kerd û va, “Ma 846 rojî tîya de nobete girewte. Kesanê ke paştî daye ma pêroyînan rê sipas kenê. 18ê Temûze ra dima yan dayîke do şora keye yan zî bi pankartê xo şora Enqera. Dîmenê qetlîamî vejîyayê. Parlamenterîya faîlî qedîyaye la hema zî îfadeyê ci nêameyo girewtene. No eybê hiqûqî yo. Ma do 18ê Temûze de şorê Meletî. Dayîke wazena şora keye, nêwazena şora Enqera. Birayê mi 5 serrî yo hucreya yewkesinî de maneno. Ma wazenê wa bêro veradayîş.”

Qiseykerdişî ra dima Nobeta Edaletî roja xo ya 846ine de ameye qedînayene.

MA / RIHA