Xoverdayîşê Keyeyê Şenyaşarî 800 rojî yo ke dewam keno

pêncşem 1 hezîranê 2023 - 15:12

Çalakîya Nobeta Edaleletî ya Şenyaşararan 800 rojî yo ke dewam kena. Înan dîyar kerd ke heta edalet bêro ê do xoverdayîşê xo biramnê.

Nobeta Edeletî ya Şenyaşaran, hetê Emîne Şenyaşare û Ferît Şenyaşarî ra vernîya Edlîyeya Rihayî de 9ê Adare 2021î ra nat dewam kena. Nobete ser ra 800 rojî vîyertê. Vernîya edlîya de bi wesîleya roja 800yine çalakîyêk ameye kerdene. Endamê Baroya Rihayî, endamê OHD û ÎHDyî bîyê beşdarê çalakîye.

Parlamenterê Partîya Çep a Keske yê Rihayî Ferît Şenyaşarî va, “Eke xovverdayîşê ma nêbîyêne, do dewa biameyêne padayene. Xoveradyîşê ma ver dewayêk ameye akerdene. Qeydê nêweşxaneyî ameyê pakkerdiş la qeydê polîsan destê ma de yê. Dozger heta nika gamêk nêeşte û birayê mi erşawit hepis. 5 serrî yo ke hucre de maneno. Ez 2yê Hezîrane de sey heqperestêk şina meclîse. Ganî rêxistinî û partîyî tîya de dadîya mi xoverdayîşê ci de tena meverdê.”

‘Dewleta zulmî’

Dayîka Enîne Şenyaşare zî va, “Ne dewlet esta, ne zî edalet esto. Lajê mi visto hucreyêk û qetilşkarî tebera gêrenê. Hinî bes o, lajê mi veradê. Seba ke ma rê zulim bi ma tîya de roniştê. Na dewlete dewleta zulmî ya. Wa qeydanê nêweşxaneyî akerê, wa dinya bivîno. Şima çira qeydan nimnenê? Ez na dewlete qebûl nêkena.”

Çalakî, bi slogananê ‘Heq, hiqûq, edalet’ qedîyaye.

MA / RIHA

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.