Komîsyonî ra qerarê wedartişê destpanênayîşê Aydenîze vejîya

pêncşem 28 tîrmehê 2022 - 16:33

Komîsyonê têmîyanêkî ra derheqê Hemsereka DBPyî Salîha Aydenîze de qerarê wedartişê destpanênayîşî vejîya.

Komîsyonê têmîyanekî ya meclîse de derheqê destpanênayîşê Salîha Aydenîze de kombîyayîş virazîya û kombîyayîş ame qedîyayîş. Hetê wekîlanê HDPyî ra derheqê 5 fezlekeyanê Aydenîze de pawitişî ameyê kerdene. Badê pawitişan komîsyon de rayî ameyê dayene.

Qerarê wedartişê destpanênayîşî

Netîceya rayan de, bi reyanê AKP, MHP û ÎYÎ Partî qerarê wedartişê destpanênayîşê Salîha Aydenîze vejîya. HDP û CHP eqsê ci rayî eştê. Şehrê qerarê komîsyonî do heta roja Pêncşemeyî bêrê teslîmkerdiş.

Raporê komîsyonî do Teşrîna Verêne de meclîse de bêro erjnayîş. Badê kombîyayîşê komîsyonî Wekîlsereka Grûba HDPyî Meral Daniş Beştaşe bi wekîlan malûmatêk da.

‘Meclîse bîya enstrumana darbeye sîyasîyî’

Meral Daniş Beştaşe va, “Wazenê ganê HDPyî ra leteyan cira bikerê. La wa xo vîrî ra mekerê ke, ma darbanê xo cade kenê weş û raywanîya xo ramnenê. Nê kerdenî zorbatî yê, faşîzm ê. AKP û MHP darbeye xo yê sîyasîyî ramnenê. Enstrumanê darbeyî zî, no komîsyon, na eywane û na meclîse yê. Senî ke mehkemeyî bîyê hacete, meclîse zî bîya enstrumana darbeyê sîyasîyî. Salîha Aydenîze wekîla şarî ya. Ma do sîyasetê demoktarîkî ra fek ra meverdê.”

YENÎ YAŞAM / ENQERA

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.