Kongre de waştişê Abdullah Ocalanî rê azadîye vejîya ver

Kongreya Partîya Çep a Keske de qerar ame girewtene ke, partî do bi nameyê HEDEPî rayîrê xo biramna. Kongre de waştişê Abdullah Ocalanî rê azadîye vejîya ver.

Partîya Çep a Keske, Enqera de kongreya xo ya çarine viraşte. Partî do bi nameyê Partîya Têduştî û Demokrasî ya Şaran (HEDEP) rayîrê xo biramna. Kongre de waştişê Abdullah Ocalanî rê azadîye vejîya ver û bi hezaran kesan seba çareserîya meseleya Kurdan Girewa Îmraliyî nîşan kerd.

Waştişê Abdullah Ocalanî rê azadîye

Kongre de postere Abdullah Ocalanî ame akerdene û bi slogananê ‘Bijî Serok Apo’ û ‘Bê serok jiyan nabe’ waştişê Abdullah Ocalanî rê azadîye ard ziwan. 

Akerdişê kongre de bi nameyê dîwanê kongre Meral Daniş Beştaşe qisey kerd. Beştaşe xoverdayîşê Îmrali selam kerd û demêko derg çapikî kuwîyayê. Hemserekanê HEDEPî Tulay Hatîmogullari û Tuncer Bakirhanî zî qiseyanê xo de bale ante azadîya fizîkî ya Abdullah Ocalanî û çareserîya demokratîkî ya meseleya Kurdan ser o. Hemserekan dîyar kerd ke Rojhelato Mîyanên de şer giran beno û seba ke krîzî bêrê çareserkerdene, înan bale ante rolê Abdullah Ocalanî ser o.

MA / ENQERA