‘Ma sey rojnamegeran ney sey terorîstan vînenê’

şemî 25 hezîranê 2022 - 12:17

Wayîrê îmtîyazî yê Xwebûnî Qedrî Esen vano, ‘Seba ke ma rojnamegerîya Kurdkî kenê, rojnameyê mas ey rojnameyê terorîstan yeno vînayene.’

Qedrî Esen wextêk ra ver gêrîyabi bine çimî û dima amebi veradayîş. Qedrî Esenî derheqê girewtişê rojnamegeran û xebatanê rojnameyî de roportajêk dayo. 

Qedrî Esenî vato, “Verê Xwebûnî ez Ozgur Gundemî û Azadîya Welatî de xebitîyaya. Dezgeyê Îlanî yê Çapemenîye ra paştîdayîşêk nêame. Xora no dezge heta nika çirey paştî nêdaya rojnamegeranê Kurdan. Polîs rojnameyê ma sey rojnameyê terorîstan vîneno û nîya muamele keno. Mesela muxabîrê ma şinê mîtîngêk, kombîyayîşêk la uca ra yenê dûrîvistiş. Çimê înan de ma rojnameger nîyê.”

‘Dewlete vana ganî şima derdanê Kurdan ra behs mekerê’

Derheqê girewtişê rojnamegeran de Qedrî Esenî va, “No operasyon vera rojnamegerîya Kurdan ameyo kerdene. Logoyê rojnameyê ma û arşîvê Azadîya Welatî sey sûcî ameyê ramojnayîş. Wazenê rojnamegîya Kurdan çin bikerê. Dewlete vana ganî şima derdanê Kurdan ra behs mekerê. Çi beno wa bibo, ma do karê xo yê rojnamegerîye bikerê. Ma bawer kenê ke, rojnamegerîya azade do hem Kurdistanî de hem zî Tirkîya de serbikewa.”

* Na xeberê Hîkmet Adal BÎANET de vejiya.

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.