Mazlûm Ebdî: Ma ganî hêzanê xo yew bikerê

Fermandarê Pêroyî yê QSDyî Mazlûm Ebdîyî komxebata Lozanî rê mesajêk erşawit û dîyar kerd ke ganî xoverdayîş bêro pîlkerdene.

Hesekê de derheqê Lozanî de komxebatêka mîyannetewî yena viraştene. Fermandarê Pêroyî yê QSDyî Mazlûm Ebdîyî komxebate rê vîdeomesajêk erşawit. Ey dîyar kerd ke polîtîkaya înkarî ya ke Lozanî ra dima kewta kare hetê xoverdayîşê Kurdan ra ameya puçkerdene û Kurdî wayîrê îmhananê ke xerîtayan de cayê xo bigerê. Edbîyî dîyar kerd ke Kurdan bi fedakarî û xoverdayîşan destkewteyî vistê xo dest û xoverdayîşê xo ramnenê.

‘Ma seba çareserî û yewîtîye amade yê’

Ebdîyî seba pawitişê destkewteyan gazîye kerd û va, “Ma ganî tewiranê pawitişan aver de berê. Bakur, Başur, Rojawan û Rojhelat de kestkewteyê pîlî kewtê ma dest. Ganî nê bêrê pawitene. Ma ganî xoverdayîşê xo pîl bikerê. Ma ganî hêzanê xo û vateyê xo bikerê yew. Ma ganî prosesî bivînê û şertanê bide kiştêk.”

Mazlûm Ebdîyî peynîya qiseykerdişê xo de dîyar kerd ke QSD seba çareserîye û yewîtîye amade yo.

ANHA/HESEKÊ