Seba QSDyî rayîrşîyayîşê paştîdayîşî ame kerdene

Til Hemîsî de seba ke paştî bidîya QSDyî hetê şarî ra rayîrşîayîşêk ame kerdene.

Qezaya Qamişloyî ya Til Hemîsî de seba ke paştî bidîya QSDyî hetê şarî ra rayîrşîyayîşêk ame kerdene. Îdarekarî partîyan, temsîlkarê meclîsan û eşîrê mintiqa bîyê beşdarê rayîrşîyayîşî.

Rayîrşîyayîşî ra dima, Eşîra El Şemerî ra Mihemed El Şemerîyî dîyar kerd ke ê paştî danê operasyonanê QSDyî û va, “Çîyê ke Dêrazor de qewimîyayê planê komployêke bîyê. Dewleta Tirke ya îşxalkare wazena seba ke çeteyi bi rehetî derbazê mintiqa bibê, yewîtîya mabênê QSD û eşîranê Ereban û îstîqrarî bixeripna.”

‘Ma do vera plananê gemarinan bibê mertal’

Ey ra dima endamê Meclîsê Keyeyanê Şehîdan ê Til Hemisî Ebdullah El Salimî qisey kerd û va, “Serkewtişê ke vera DAÎŞ û dewleta Tirke kewtê ma dest, bi saya fedakarîya şehîdan û paştîdayîşê şarî bîyê.”

Endama Kongra Starî Til Hemisî Hedîl El Ebdullah zî va, “Ma do plananê gemarinan ê ke vera cinîyan, komelî û azadîya merdiman yenê kerdene rê bibê mertal.”

MERKEZÊ XEBERAN