22yê Temûze de do Lozanî de çalakîyêk bêra kerdene û seba na çalakîye vernîya NYyî ra gazîye ameye kerdene.
Çalakî yê ke seba azadîya fizîkî ya Abdullah Ocalanî Cenevre de yenê kerdene dewam kenê. No çarşeme, çalakîye de bi wesîleyê serrgêra Şorişê Rojavayî payravindertişê hurmetî ame kerdene û kesanê ke cuya xo vîndî kerde ameyê yadkerdene.
Xoverdayîş do dewam bikero
Bi nameyê komîteyî Yuksel Koçî qisey kerd û va, “Ganî sere de Kurdî û dostê Kurdan vera tecrîdî vengê xo berz bikerê. Înan ke Lozanî îza kerd waşt Kurdî sehneyê tarîxî ra wedarîyê. 50 serrî yo xoverdayîşêk esto û bi Şorişê Rojavayî no xoverdayîş bîyo hêvîya şaran. Dewletî vera nê xoverdayîşî tecrîdî giran kenê û wazenê netîceyêk bigerê. Seba vintarnayîşê qirkerdişan ganî tecrîd bêro şikitene. Ewro Kurdî her ca de seba azadîya Rayber Apoyî xo ver danê û xoverdayîşê xo ramnenê.”
Çalakîye rê gazîye
Ame dîyarkerdiş ke Peymana Lozanî seba Kurdan yeno vateyê jenosîdî û ame vatiş ke, “Kurdî û şarê Kurdistanî nê na peymane qebul nêkenê. Coka çalakîya ke do 22yê Temûze de bêra kerdene zaf muhîm a. Ganî pêro Kurdî bi hişmendîya neteweyîye têbigerê.”
MERKEZÊ XEBERAN
parvê bike
Nûçeyên ku dikare bala we bikşîne
