Meseleya Kurdan bandorê pêro meseleyan kena

• Hetê Merkezê Cigêrayîşanê Sehayî yê Sosyo Polîtîkî ra 16 bajaranê Kurdan de anketêk ame viraştene.

Merkezê Cigêrayîşanê Sehayî yê Sosyo Polîtîkî, rewaşa rojaneye û fikranê weçînitoxan ser o mabênê 23-30ê Tebaxe de Dîyarbekir, Mêrdîn, Riha, Wan, Êlih, Sêrt, Şirnex, Colemêrg, Agirî, Mûş, Çewlîg, Bedlîs, Semsûr, Qers, Dêrsim û Îdirî de anketêk viraşt û netîceyî pare kerdê.

Se ra hîre para şaşîtî dîyaye netîceyanê anketî. Anketî de beşdaran ra persîya ke Tirkîya de meseleya tewr muhîme çi ya. %71,6ê beşdaran va krîzê ekonomîyî, %9,3ê beşdaran va meseleya Kurdan, %3yê beşdaran va sîstemê perwerdeyî, %2,9ê beşdaran sîstemê serekkomarîye û ê bînan zî va çinbîyayîşê demokrasîyî û hiqûqî. Kesê ke vanê meseleya tewr muhîme meseleya Kurdan a zêdîyayê. 

Meseleyanê bînan ser o bandorê meseleya Kurdan

Beşdaran ra persîyayo ke bandorê meseleya Kurdan meseleyanê bînan ser o beno yan ney. %66,1ê beşdaran vato meseleya Kurdan meseleyanê bînan ser o bandor kena. Reyna anketî de ameyo perskerdiş ke, meseleya Kurdan bi çekan safîkerdişî û mabênê krîzî de têkilîye esta yan ney. %67,2yê beşdaran vato têkilîye esta. 

Reyê HDPyî berz bîyê

Beşdaran ra ameyo perskerdiş ke nika weçînitiş bibo şima reya xo danê kamcîn partî. Wexto ke bêqerarî û kesê ke vanê ma raye nêerzenê vila bibê, HDP %48,6, AKP, %20,1, CHP %15 asenê. Weçînitoxanê AKPyî ra %57,4î vato ma reyna reya xo danê AKPyî. Weçînitoxanê HDPyî ra %92,7î vato ma reyna reya xo danê HDPyî. Reyna goreyê anketî tespît bîyo ke, rayê AKPyî vîyertê HDP, CHP û Deva.
MA/AMED