Mintiqaya Soranî: Hêrîşanê Tirkîya ver xeylê keyeyan bar kerd

Ofîsê Heqanê Merdiman ê Soranî dîyar kerd ke, hêrîşanê Tirkîya û Îranî ver xeylê keyeyan mintiqa ra bar kerdo.

Derheqê binpaykerdişanê heqan ê mintiqaya Soranî de û hêrîşan de îdarekaranê Ofîsê Heqanê Merdiman ra Cewad Siwar û Awiqat Muhammed Kerîmî Rojnewsî rê qisey kerd.

Awiqat Mumammed Kerîmî derheqê hêrîşanê Tirkîya de qisey kerd û va, “Goreyê qanûnanê mîyannewetîyan, dewletêk nêşkena erdê dewletêkna ser de binpaykerdişan bikera. La qanûnî hetê Tirkîya ra yenê binpaykerdene û mintiqaya Kurdistanî de şerê sûcî ver aşarî yenê kerdene.”

Kerîmîyî dîyar kerd ke mintiqaya Soranî de binpaykerdişî zêdîyayê û va, “Xeylê welatîyî bi bombakerdişan ameyê qetilkerdiş û xeylê keyeyî mecbûr mendê ke bar bikerê. Nê barkerdişî hêrîşanê Tirkîya û Îranî ver benê. Şar nê hêrîşan ver heqanê xo yê bingeyînan ra mehrûm mend.”

ROJNEWS/SORAN