Muzîsyenan destûrnameyê xo vêşnayê

• Muzîsyenan beledîye ra destûrnameyî girewtibî la bi destê zabitayan ameyê astengkerdiş û înan rê cezayî ameyê birnayîş.

DOGAN KAYNAK / MA / ÎSTANBÛL

Muzîsyenan beledîye ra destûrnameyî girewtibî la bi destê zabitayan  ameyê astengkerdiş û înan rê cezayî ameyê birnayîş.

Ceydeyê Îstîklalî yê Taksîmî de muzîsyenê kuçeyan yenê astengkerdiş. Muzîsyenî vere cu zî raştê asteng3iyan ameybî û gêrîyaybî binê çimî. Badê rexneyan hetê Beledîyeya Îstanbûlî ra destûrnameyî dîyaybî muzîsyenan. La muzîsyenî reyna raştê astengîyan ameyê. Zabitayan dest na esstrumananê înan ser û nêverda ê deyîranê xo vajê. Seba ke ê bieşkê enstrumananê xo têpîya bigerê, pere danê beledîye.

‘Seba ke ma Kurdkî vanê, ma raştê hêrîşan yenê’

Endamanê koma muzîkê Kurdkî ra Muhammed Taşdemîrî va, “Ez des serran ra nat kuçeyan de muzîk kena û deyîran vana. Çend aşman ra ver seba ke ma raştê hêrîşa pol3isan ameyê. Seba ke ma Kurdkî vanê, ma raştê hêrîşan yenê. Na mesele ra dima şarî paştî da ma û ma destûrmaneyî girewtê. Nika reyna m ara vanê deyîran mevajê. Wazenê enstrumananê ma bigerê. Yenî ala Tirkan aliqmenê dinga ma ya muzîkî rê. Dima zî vanê eleqaya qedexeyan û Kurdkî çin a. Înan beno ke 10 reye mi rê ceza nuşta.”

Destûrnameyê xo vêşna

Muhammmed Taşdemîrî va, “Ma badê hêrîşan şîyê beledîyaç. Înan destûrnameyî dayê ma. La feydeyê înan çin o. Muzîkê ma reyna qedexe beno. Zabitayî reyna nêverdenê. Nika qet yew vateyê destûrnameyan nêmendo. Ma nînan ramojnenê la feydeyê înan çin o. coka ez destûrnameyê xo vêşnena.” Muhammed Demîrî seba protestokerdişî destûrnameyê xo vêşna.