Qedexeyê qeyûmî ame protestokerdene: Festîval do dewam bikero

Ame dîyarkerdiş ke do Festîvalê Kultur û Hunerî yê Cizîrî do dewam bikero.

Festîvalê Kultur û Hunerî yê Cizîrî yo ke hetê Sanatça Organîzasyon û KESKî ra ameyo organîzekerdene dewam keno. Konsero ke do vizêrî biamêne kerdene hetê qeyûmê Beledîyeya Cizîrî Qeyneqama Cizîrî Nazli Demîre ra ame qedexekerdene.

Labelê festîval do bi kargeha domanan, dîwanê dengbêjan, panel û defîleya kincanê gelêrîyan do dewam bikero.

Vera qirkerdişê kulturî festîval

Îdarekarê KESKî yê Şirnexî Adnan Şenbayramî dîyar kerd ke 2015-2016î ra dima polîtîkayê qirkerdişê kulturî zêdîyayê û va, “Her bajar de seba çalakîyan mekanî ameyê dîyarkerdiş. Ma waşt merkezê Cizîrî de konserê xo virazê la destûr nêdîya. Ma waşt konserê xo eywana veyveyî de virazê û narey zî berê eywane ame morkerdene. Ame vatiş ke ruhsatê eywane çin o. Timûtim tîya de veyveyî benê la ma ke waşt konser bidê vanê şima nêşkenê.”

Gazîya wayîrvejîyayîşî

Şenbayramî dîyar kerd ke do festîval dewam bikero û va, “Şarêk bi kultur, ziwan û hunerê xo esto. Merdimî ten abi leşa xo çin ê. Însanî gandarê sosyal ê. Kes nêşkeno merdiman tarîx û kulturê înan ra dûrî bifîno. Kultur formê ciwîyayîşî yo. Bêrê ma pêro pîya wayîrê kulturê xo bivejîyê. Vera neheqîyan, bêhiqûqîyan û qirkerdişan bêrê ma wayîrê ziwan û kulturê xo bivejîyê.”

MA / ŞIRNEX