Nobeta Edaletî: Ma do nê zulmî qebul mekerê

şemî 16 tîrmehê 2022 - 10:52

Nobeta Edaletî bi roja xo ya 240ine yena ramitene.

Nobeta Edaleta ke hetê keyeyanê hepsîyanê nêweşan û înanê ke înfazê înan ameyo vêşnayîşî ra Dîyarbekirî de yena girewtene kewta roja xo ya 240ine. Keyeyê hepsîyan vernîyê Dezgeya Tibî ya Edlîye ya Dîyarbekirî de ameyê têhet. MEBYA-DER, TUAY-DER, DBP û HPD ra endam û îderekaran paştî da nobeta edaletî.

‘Şima nêşkenê wayîrê îmzaya xo bivejîyê’

Merdimanê hepsîyanê nêweşan ra Încî Guler va, “Mi tîya ra veng a partîyanê sîyasîyan danê; qanûnê ke nînê ca, bi îmzayanê şima vejîyayê. La şima nêşkenê wayîrê îmazaya xo zî bivejîyê. Şima wayîrê xo zî nêjejîyenê, wayîrê şerefe xo zî nêvejîyenê. La şima do senî wayîrê domananê ma bivejîyê?”

Hepsîyî tedawî nêbenê

Încî Guler va, “Edalet siba înan rê zî lazim beno. Hepsîyê nêweşî tedawî nêbenê. Doktorî bi sondwendişî dest bi kare xo kenê, wa sondanê xo biyarê ca. Ma sey merdimanê hepsîyan sewbîna çîyêk nêwazenê. Ma wazenê wa heqê hepsîyan bêrê dayene. Dewlete ewro na neheqîye kena, wa bizana ke meşte yeno aye zî ser. Ma nê zulmî ewro zî qebul nêkenê û ma do meşte zî qebul mekerê.”

MA / AMED

parvê bike

Nûçeyên ku dikare bala we bikşîne

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.