Nobeta Edaletî: Wa tecrîd û îşkenceyî biqedîyê

pêncşem 10 teşrînê 2022 - 11:09

Merdimanê girewtîyan gazîye kerde ke, wa tecrîd û îşkenceyî biqedîyê û hepsîyê nêweşî bêrê veradayîş.

Nobeta Edaletî ya ke hetê merdimanê girewtîyan ra yena girewtene, 136 rojî ra nat dewam kena. Nobeta Edaletî vernîya Hepisxaneyê Kiriklarî de dewam kerde. Rêxistinê HDPyî yê Bûcayî paştî da Nobeta Edaletî.

Dayîka tepişteyan Cuneyt, Bunyamîn û Ahmet Surme Fatma Surmeye va, “Ma nobeta xo 136 rojî yo ke ramnenê. Ma dayîkê haştîye yê. Wa vengê ma bêro eşnawitiş. Ma heba girewteyan nobete de yê. Wa girewteyê nêweşî tedawî bibê. Nêweşê giranî wa veradîyê. Kesê ke înfazê înan qedîyayo ser de tehdaya poşmanîye ramnenê. Girewteyê ke poşmanîye qebûl nêkenê, tehlîya nêbenê. No nîno qebûlkerdiş. Na rewşe do wina heta key dewam bikera. Wa hinî zerra dayîkan mevêşa. Wa tecrîd û îşkenceyî biqedîyê.”

MA / IZMÎR

parvê bike

   

Yeni Özgür Politika

© Copyright 2023 Yeni Özgür Politika | Mafên belavkirinê parastî ne.