Nobeta Edeletî roja xo ya 273ine de ya

Hepsîyê nêweşî nînê veradayîş û înfazê hepsîyan yeno vêşnayîş. Hetê keyeyanê hepsîyan ra 273 rojan ra nat Nobeta Edeletî yena girewtene. Nobeta Edeletî vernîyê Hepisxaneyê Dyî yê Dîyarbekirî de dewam kerde. 

‘Rewşa înan vera-vera xirabe bena’

Bi nameye keyeyan kenaya Abdulhalîm Kirtayî Herdem MerVanî qisey kerd. Abdulhalîm Kirtay 30 serran ra nat hepis de yo. Herdem Mervanî va, “Ma 10 aşman ra nat waştişanê xo anê ziwan. Vengê ma nêrasayo Wezaretîya Edeletî û partîyanê sîyasîyan. Ganî qanûnî cabiyerê. Rewşa hepsîyan vera-vera xirabe bena. Her roje hepisxaneyan ra cinazeyî vejîyenê.”

Rexneyê bêvengîye

Mervanî va, “2 rojanê peyênan de hepisxaneyan ra 2 cinazeyî vejîyayê. M abi her mergî sîya girê danê. Ganî paştî bidîya çalakîya ma. Na rewşe rîsîyayîya nê welatî ya. Ma aşman ra nat sîya girê danê. Na meseleyêka komelkî ya, şexsî nîya. La partîyanê sîsasîyan wayîrê ma nêvejîyayê. Ma nêşkenê paweyê meclîse vinderê. Her roje cinazeyî yenê. Eke qanûnî biameyêne ca, cinazeyî nêvejîyêne teber. Ganî cade qanûnî biyerê ca. Ma keyeyanê merdîyan rê serweşîye wazenê. Hinî wa Wezaretîya Edeletî û partîyê sîyasîyî vengê ma bieşnawê.”

Çalakîye, bi slogananê ‘Bicuwîyo xoverdayîşê zindanan’ û ‘Heq, hiqûq, Edelet’î qedîyaye.

ANF / AMED