Partîya Çep a Keske de hedreyîyê kongre dest pêkerdê

Partîya Çep a Keske, verê kongreya xo xeylê xebatî kerdê û 15ê Teşrîna Verêne de do kongraya xo bikera.

Partîya Çep a Keske, weçînayîşan ra dima kombîyayîşî û konferansî viraştê. Partî do 15ê Teşrîna Verêne de Enqera de kongreya xo biviraza û hedreyîyê kongre zî dest pêkerdê.

Seba Meclîsê Partî nameyî pêznîyaz benê

Bajar û mintiqayan de komîsyonî ameyê ronayene. Komîsyonê Mutabaqatî û Komîsyonê Hedreyîye ameyê ronayene. Hetê nê komîsyonan ra seba Meclîsê Partî nameyi yenê arêdayene. Yeno pawitene ke, nê nameyi do bêrê erjnayene û Meclîsê Partî do bêra hêzdarkerdene.

Amblem do eynî bimano

Hetê komîsyonanê mutabaqat û hedreyîye ra do nameyê partî zî bêro dîyarkerdiş. Mabênê Partîya Şaranê Demokratîkan (DHK) û Partîya Têduştî û Demokrasî ya Şaran (HEDEP) ê ke ameybî pêşnîyazkerdene ra yewe do bibo nameyê partîye. Amblemê partî do mebedilîyo.

Hedreyîya kongreya tewr pîle

Kongreya Partîya Çep a Keske do 15ê Teşrîna Verêne de Enqera de bêra kerdene û Kurdistan û Tirkîya ra do bi hezaran kesî bibê beşdarê kongre. Partîya Çep a Keske ya ke rêçdara HEPî ya, hedreyîye kena ke kongreyêka tewr pîle bikera.

MA / ENQERA