PEN ra gazîye: Wa cede bêrê veradayene
çarşem 12 nîsanê 2023 - 21:47
Koordînatora Bernameyê Ewrûpayî yê PENa Mîyanneteweyî Aurelia Dondo, seba 15 rojnamegeran gazîye kerde.
Derheqê 15 înan girewtî 18 rojnamegeran de ewro îdîaname ame qebulkerdiş û dewaya înan do 11ê Temûze de dest pêbikera. Rojnamegerî 8ê Hezîrane 2022î de Amed de gêrîyaybî binê çimî û nînan ra 15 rojnamegerî ameybî girewtene.
Koordînatora Bernameyê Ewrûpayî yê PENa Mîyanneteweyî Aurelia Dondo, hesabê xo yê medayaya sosyale ra seba rojnamegeran gazîye kerde û va, “Girewtişê rojnamegeran ser ra nêzdîyê serrêk wext vîyarto û dewaya înan do 11ê Temûze de dest pêbikera. Ma seba rojnamegeran paştîdayîşê xo îfade kenê. Ganî rojnamegerî cade bêrê veradayene.”
MERKEZÊ XEBERAN