Qeyûmî ra reklamê talanî

Qeyûmê Beledîyeya Wanî arseyanê qezaya Artemêtî roşeno û şarî rê zî sey firsendî ramojneno. 

Verê weçînayîşî qeyûmê Beledîyeya Wanî arazîyan roşeno. Qezaya Artemêtî de 42 arsayî vejîyê rotene û bîlbordan de ame vatene ke “Arsayî qedîyenê. No seba şima firfendo peyên o”.

Parsel parsel roşîya

Bi nameyê “Projeya Bajarê Keweyî” 420 hektar arazî yeno rotene. Îdareyê qeyûmî verê cû zî seba rotişanê arsayan destûr dabi û 2 mehleyan de 77 arsayî amebî rotene. Nê arsayî 800 mîlyon amebi dîyarkerdiş.

Qezayan de zî arsayî û awanîyî roşîyayê

Reyna hetê îdareyê qeyûmî ra qezaya Tuşbayî de xeylê ca amebi rotene. Hezar û 300 metrekareyî yê Parka Ehmedê Xanîyî û Reya Armûşî de zî 820 metrekare ca û awanîyî ameyê rotene. Xeylê dikanî û awanî zî vejîyayê îhale û hetê qeyûmî ra ameyê rotene.

MA / WAN