Raporê rojnamegeranê girewteyan: Bi karanê rojnamegerîye ameyê sûcdarkerdiş

şemî 25 hezîranê 2022 - 12:11

Wekîlê TÎPî yê Îstanbûlî Ahmet Şikî derheqê rojmamegeranê Kurdan de roporêk herde kerd.

Ahmet Şikî derheqê rojnamegeranê Kurdan de, bi nameyê ‘Rojnamegerîye Reyna Sey Sûcî Yena Vînayene’yî raporêk hedre kerd. Raporî de ca dîya detayanê dewa û persê ke ameyê perskerdişî.

Dest nîya ekîbmanan ser 

Raporî de ame vatiş ke, rojnamegerî ameyê girewtiş, dest nîya telefon û ekîbmananê înan ser. Dokumanê destsernayîşî ameyê waştiş la înan ra xeberêk nêvejîyaya. Roporî de reyna ameyo vatiş ke, Şîrketanê Pîya û Arîyî de hema zî gêrayîşî yenê kerdene û tam nîno zanayîş ke înan dest nayo çi ser. Reyna Şikî vato ke Sawcî nêwaşta ey de bêra têhet û waştişê pêvînayîşê ey qebul nêbîyo. 

Rojnamegerî hedefê înan de yê

Raporî de Ahmet Şikî vato, “Girewtişê rojnamegeran dewamê hefizayê dewlete yo. Xora nê rojnamegerî verî zî raştê tehdayan û sûcdarîye ameyê. Rojnamegerê Kurdî û rojnamegerê muxalîfî seba karanê xo yê rojnamegerîye raştê tehdayan û astengîyan yenê. Yeno fehmkerdiş ke, no polîtîkayê dewlete yo. Sûcdarkerdişê rojnamegeranê Kurdan, bi delîlan ney bi qebulanê puçan ameyê kerdene. Tena îfadeyê kesêk înan rê bîyê binge la dîyar o ke bê karanê rojnamegerîye orte de çîyêk çin o. Persan de zî derheqê tedeyîya xeberan û bernameyan de persî persîyayê. Endambîyayîşê ÎHD Û DGFyî sey sûcî ameyê qebulkerdiş. Sey îddîanameyanê verênan, tîya de zî tayê vateyî kopya bîyê û dusîyayê îddîanameyî. Sawcîtîye hiquqî ney qerarêko îdeolojîk dayo.”

‘Vengê rojnamegeranê Kurdan yeno birnayîş’

Reyna raporî de ame vatiş ke, “Reyna wazenê vengê rojnamegeranê Kurdan bibirnê. Ma nê stratejîyê xirabî şinasnenê. Embazê ma rehin gêrîyayê û înan rê sûcêk ameyo îcadkerdiş. Rojnamegerîye sûc nîya. Siba do însanî parekerdişanê xo yê medyaya sosyale ver sey ‘terorîstan’ bêrê vînayene. Nika zî bi qanûnêk wazenê vengê her kesî bibirnê.”

MA

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.