Raywanê Azadîye: Heta Abdullah Ocalan biraso azadîya xo do xoverdayîş dewam bikero

Raywanê Azadîye asatengîyî vîyartê û rasayê Gemlîk. Înan dîyar kerd ke heta Abdulah Ocalan biraso azadîya xo do xoverdayîş dewam bikero.

Hetê DTK, HDK, TJA, HEDEP, DBP, MEBYA-DER û MED TUHAD-FEDî ra ver bi Gemlîk Rayîrşîyayîşê Azadîye organîze kerde.

Raywanan pêro astengîyî vîyartê û rasayê Gemlîk. Rayîrşîyayîşê Azadîye de ame waştene ke wa Abdullah Ocalan biraso azadîya xo û meseleya Kurdan bêra çareserkerdene. Hetê Hemverfekê HDKyî Cengîz Çîçek, Hemsereka HEDEPî Tulay Hatîmogullari, Hemserekanê DBPyî Çîgdem Kiliçgun Uçare û Keskîn Bayindirî ra rayîrşîyayîşî ra dima eşkerayîyê ameyê kerdene.

‘Vera tecrîdî do xoverdayîş dewam bikero’

Hemsereka DBPyî Çîgdem Kiliçgun Uçare dîyar kerd ke tecrîd bîyo sey rejîmêk û va, “Ma ewro tîya de rayîrşîyayîşê xo temam kerd. Seba ke demokrasî bêro awankerdene û seba haştîye şarê ma pêro astengîyî vîyarnayê û înan rayîrşîyayîş ra fek vera nêda. Ma ewro embazan reyde Gemlîk de yê. No welat de hetîqetanê tewr muhîman ra yew meseleya Kurdan a. Îqtîdar wazeno bi polîtîkayanê şerî û tecrîdî seserra newîye bikero seserra asîmîlasyon û qetlîaman.”

Uçare dewamê qiseykerdişê xo de va, “Ma do destûr medê ke tecrîdî bikerê rejîmêk. Birêz Ocalan, seba ke demokrasî, têduştîye û azadîye bêrê tesîskerdene wayîrê projeyêk o û heta Birêz Ocalan biraso azadîya xo ma do xoverdayîşê xo biramnê. Ma pêro kedkaranê rayîrşîyayîşî rê sipas kenê. Çalakîya ma rasaya armancê xo. Vera faşîzmî do xoverdayîşê ma dewam bikero.”

MA / BÛRSA