Razîbîyayeyî benê deyndar, ê bînan rê zî dewa abena

• Keyeyê ke Sûrî de ameyê viraştene yenê rotiş. Wayîrê ke razî benê, kewenê binê deynî û ê yê ke qebûl nêkenê yenê dewakerdiş.

GOKHA ALTAY / MA / AMED

Keyeyê ke Sûrî de ameyê viraştene yenê rotiş. Wayîrê ke razî benê, kewenê binê deynî û ê yê ke qebûl nêkenê yenê dewakerdiş.

Mîyanê Sûrî hetê UNESCO ra sey Mîrasê Kulturî yê Dinyaye amebi qebîlkerdiş. Qismêkî Sûrî 2015î de şer de bi xirabe. Dima tîya de qerarê destsernayîşî ame girewtene. Keye û dikanê ke newe ra virazîyazê, bi fîyetêko zaf berzî yenê rotene. Restorasyono ke tîya de virazîyayo xeylê xirab o. 

3 Rayîrî

Wayîrê keyeyan 7 serrî yo ke zehmetîyan ancenê. Şarê nê mehlayan dewanê xo ra vêşayîyan ra bar kerdibî ameybî tîya. Dewlete şerî ra dima 3 rayîrî mojnayê wayîran. Înan va şima yan pereyan qebûl kenê, yan şima kewenê binê deynî yewna ca de keye dîyeno şima, yan zî tîya de keye dîyeno şima. Wayîran rê rayîro 2 û hîrêyin meqbûl ame la înan ra xeylê pereyî ameyê waştiş. Kam ke pereyê c için bî, pereyê înan qebûl kerdê yan zî şîyê Tokîyan de ca bîyê. Xeylê wayîran zî 3 rayîr zî red kerdê û înan va ma erdê xo wazenê.

Redkerdoxan rê dewayî ameyê akerdene

Dewlete waşte redkerdoxan de bêra werî û wayîran reyna qebûl nêkerd. Dima wayîran rê dewayî ameyê akerdene. Dewakerdeyî 5 sey ra zêder ê. Coka xeylê keyeyanê neweyan hema veng ê. Dewlete nê keyeyan dana paştîdayoxanê xo. Tîya bîyo cayê terîqatan. Dikanê tîyayî zî roşîyenê paştîdaxoxanê înan. Îhaleyê dikanan bi silaynemeyan ame kerdene. Înan nêverda wayîrê milkan bikewê îhaleyan.