Rojnameger Ertaş: Ziwanê şarê Kurdî yeno mehkemakerdiş

Mudirê Karanê Nuştişî yê Rojnameyê Xwebûnî Mehmet Alî Ertaşî va, “Ziwanê dayîke de tena Xwebûn weşanîyeno û mehkemakerdişê ey mehkemakerdişê ziwanê Kurdan o.”

Ewro Amed de roniştişê verênî yê rojmageran yeno kerdene. Mehkema bi pawitişê rojnamegeran dewam kena. Mudirê Karanê Nuştişî yê Rojnameyê Xwebûnî Mehmet Alî Ertaşî pawitişê xo bi Kurdkî kerd. Ey dîyar kerd ke şexsê rojnamegeran de çapemenîya azade yene mehkemakerdiş.

‘Ziwanê şarê Kurdî yeno mehkemakerdiş’

Ertaşî dîyar kerd ke ganî rojnamegerî rastîya şarî biyarê ziwan û va, “Ma rojnamegerî bi bingeyê edalet û wîjdanî faalîyetanê rojnamegerîye kenê. Şaro Kurd tîya de yeno mehkemakerdiş. Seba ke ma ziwanê xo qisey kerdo ma yenê mehkemakerdiş. Xwebûn bi ziwanê dayîke weşanîyeno û yeno mehkemakerdiş. No zî mojneno ma ke erjê Kurdan û ziwanê Kurdan yenê mehkemakerdiş.”

Ertaşî dewamê pawitişê xo de va, “Ma ewro rojnamegerîye kenê. Ma ekolojî, ekonomî, kultur, sîyasî û her warî de xeberan virazenê. Ma wazenê her warî de malumatan bidê şarî. Sey rojnamegerîye ma wazenê waranê sey Heskîf û Sûrî û xoza bipawê. Wezîfeyê rojnamegeran o ke derheqê texrîbatanê nê waran de malumatan bidê şarî.”

MA / AMED