Rojnamegerî hepis ra vejîyayê: Ma do karê xo biramnê

çarşem 17 gulanê 2023 - 14:50

Rojnamegerê ke Hepisxaneyê Sîncanî de bî hepis ra vejîyayê û înan dîyar kerd ke vengê çapemenîya azade nîno birnayene.

Rojnamegerê ke 29ê Teşrîna Verêne de ameybî girewtene, mehkemaya verêne de ameyê veradayîş. Muxabîrê Yenî Yaşamî Hamdullah Bayram o ke 2ê Adare de amebi girewtene tena tehlîya nêbi. 

Keye, embaz û hemkarê rojnamegeran şîyê vernîya Hepisxaneyê Sîncanî û hêverî rojnamegerî Denîz Nazlim, Hakan Yalçin, Salman Guleryuz û Emrullah Acar vejîyayê.

‘Vengê çapemenîya azade nîno birnayene’

Mudira Karanê Nuştişê yê Ajansê Mezopotamyayî Dîren Yurtsevere dîyar kerd ke înan ra ver Amed de rojnamegerî ameyê girewtene û va, “Ma ewro mehkema de, ma çira ameyê girewtene ma behsê ci kerd. Ma dîyar kerd ke seba ke çapemenîya Kurdan bîat nêkena yena mehkemekerdiş. Ma derheqê pêro meseleyan de û meseleya Kurdan de xeberan hedre kenê. Îqtîdar zî nêrehet beno. Ma pawitişê xo de dîyar kerd ke çira çapemenîya Kurdan hedef gêrîyena. Ma do tarîyî bikerê roşn û karê xo yê rojnamegerîye biramnê. Wazenê ma ser ra çapemenîya Kurdan bêîtîbar bikerê. Ma na hêrişe zî pûç kerde. Wa bicuwîya çapemenîya azade. Ma do karê xo yê nuştişî biramnê.”

MA / ENQERA

 

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.