Sancarî raydayoxanê teberî rê gazîye kerde

Hemserekê Pêroyî yê HDPyî Mîthat Sancarî, raydayoxanê teberî rê gazîye kerde û va, “Şorê sindoqan ser û raye bidê Çep a Keske.”

HDP, bi nameyê Partîya Çep a Keske kewena weçînayîş. Hemserekê Pêroyî yê HDPyî Mîthat Sancarî, seba raydoxanê teberî gazîye kerde ke, wa şorê sindoqan ser û raya xo bidê Partîya Çep a Keske.

Mesajê xo de Sancarî va, “Şarê ma yo erjaye yo ke teberê welatî de cuwîyeno, ez şima bi heskerdişî selam kena. Ma teberê welatî ra xeylê paştî genê û narey ma wazenê bi paştîdayîşê şima bibê partîya yewine. Çi heyf ke beşdarbîyayîş zaf kêmî yo. 2 kesan ra kesêk raye erzeno. Ma ganî bizanê ke her raye narey zaf muhîm a.

Ma do pîya bibedilnê

Bi her raya şima hem temsîlîyetîya ma do berz ba û hem zî do biba sebebê rijnayîşê sîstemê yew merdimî. Heta 9ê Gulane şima eşkenê cayanê dîyarkerdeyan de û heta 14ê Gulane zî şima eşkenê gumrukan de rayanê xo bidê. No wezîfeyo tarîxî keweno her welatîyî ser. Şorê sindoqan û rayanê xo bidê Çep a Keske. Ma do pêro pîya bibedilnê û pêro pîya serbikewê.”

YENÎ YAŞAM