Heta meseleya Kurdan safî meba Tirkîya de demokrasî aver nêşino

• Murat Krayilanî va, “Ganî her kes bixebitîyo û bibo wayîrê fikrê netewî.”

Endamê Konserê Rayraberdişî yê PKKyî Murat Karayilan, derheqê weçînayîşan de Stêrk TVyî rê erjnayîşî kerdê. Karayilanî bale ante muhîmîya xebatanê weçînayîşî. 

Tecrîdê Îmraliyî

Derheqê tecrîdî de Karayilanî va, “Hêzê komplokarî, hêzê hegemonîkî û dewleta Tirke nêwazenê fikrê Rayber Apoyî birasê şarî û tersenê. Xeylê gazîyî ameyê kerdene, çalakîyî ameyê kerdene la reyna zî tecrîd û îşkenceyê Îmraliyî reyna zî nêqedîya. Xora CPT zî perde anceno ver û tecrîdî keno meşrû.”

Şerê Zapî

Karayilanî dîyar kerd ke, hema zî vera rojhatê Zapî hêrîşî yenê kerdene û va, “Destê dewleta Tirke de hende îmkan esto, bi kîmyewîyan hêrîşe kenê, gladio ra û tayê hêzanê Başûrî ra paştî genê la reyna zî nêşkaye gerîlayî nê cayan ra veja. Hêrîşî tena serrêk ra nat nêbenê, no şer 2021î de dest pêkerd. Deweta Tirke wazena 2 serrî yo ke Zap, Metîna û Avaşînî îşxal bikera la nêşkena.”

Îttîfaqê dizdan û qetîlan

Derheqê îttîfaqê Cumhûrî de Karayilanî va, “Yan dizd ê yan zî qetîl ê. Kesê ke înan ra benê wekîl, seba zengînîye benê. Ganî şarê ma ferqê nê çîyan bo. Ganî her kes bixebitîyo û bibo wayîrê fîkrêkî neteweyî. Wextêko kêm mendo. Coka ganî xebatêka başe biba û xebate bêra xuetkerdene. Ney wextî de raya xo AKP-MHP dayîş sey xo rê neng çînayîşî yo. Bitaybetî dayîkî vanê ‘wa her kes destê xo bino serê wijdanê xo û raya xo bido xo’. Rast o, ganî her kes raya xo bido xo.”

MERKEZÊ XEBERAN