Kalkan: PKK reyde tewr zêde Erdoganî pêvînayîşî kerdê

çarşem 19 nîsanê 2023 - 10:21

  • Duran Kalkanî dîyar kerd ke, Tayyîp Erdogan her kesî PKK reyde têkildar keno sûcdar ramojneno la tewr zêde ey PKKyî reyde pêvînayîşî kerdê.

Endamê Komîteya Rayraberdişî ya PKKyî Duran Kalkan, derheqê meseleyanê rojevî de erjnayîşî kerdê. Ey cewab dayê persanê Medya TVyî. Kalkanî bale ante hêrîşa ke vera Mazlûm Ebdîyî bîye û va, “Tena vera Mazlûm Ebdîyî ney vera îdarekaranê Rojavayî sûîkastî bîyê. Ma ganî vera înan tedbîr bigerê. La ganî pêro dinya na rastîye bivîna û vera ci veng bikera.”

‘Tewr zêde Erdoganî pêvînayîşî kerdê’

Kalkanî dîyar kerd ke, AKP-MHP pêro xebatê xo vera xoverdayîşê Kurdan ramnenê û va, “Erdogan her kesî bi PKK reyde têkildar keno û keno sûcdar la tewr zêde ey PKK reyde pêvînayîşî kerdê. Ê şîyî Îmrali û Rayber Apoyî de pêvînayîşî kerdê. Qasidî erşawitî Qendîl. Oslo de zî îdareyê înan pêvînayîşî kerdê. Nika tayê cîhetî seke PKK de têkildarbîyayîş sûc o xo ser de teha hîs kenê. Erdogan zaf jêhat o gelo nînan keno? Ney, kesê ke hemberê ci de yê zeîf ê. Vanê teror û çîyêkna nêvanê. Teror çin o, neheqîyî estê, hêrîşî estê, qetlîamê Kurdan esto. Kurdî çin hesibîyenê. Bakur de 30 mîlyon Kurdî estê. Ne ziwanê înan, ne nasnameyê înan esto. Kam ke vano ez Kurd a, ya erzîyeno hepis ya zî yeno kiştiş.”

Kalkanî gazîye kerde ke wa rayî bidîyê namzetanê demokratan û va, “Hinî faşîzmê AKP-MHPyî nêwedarîyeno. Ganî hinî bierzîyo çopê tarîxî. Bifikirê ke îdare reyna bikewo înan dest; derheqê demokrasî, merdimîye, azadîye de do çîyêk memano.”

MERKEZÊ XEBERAN

parvê bike

   

Yeni Özgür Politika

© Copyright 2024 Yeni Özgür Politika | Mafên belavkirinê parastî ne.