PKK: Vera hêrişê vera şehîdan heme çalakîyî meşrû yê

• Komîteya Paştdayîşê Keyeyanê Şehîdan a PKKyî vera hêrişê vera şehîdan nêrazîbîyayîş ramojna û vat: ''Vera nê wehşetî çalakîyê bi her tewirî meşrû yê.''

Komîteya Paştdayîşê Keyeyanê Şehîdan a PKKyî vera wehşetê serê şehîdgehan eşkerayîya nuştekîye daye û nê pare kerdî:

''Bi talîmatê hukmatê tirkî goristanan rê hêriş yeno kerdene, cenazeyî yenê letekerdene û meyîtî goran ra yenê vetene û eştene. Nê qewimîyayîşê ke vera goristanan û cenazayan yenê kerdene rayrapêroyî ra yenê nimitene. Hetêk ra medayaya hukmatî nê xeberan şarî ra kena mîyan hetê bînî ra leşker û tîmê taybetî kerdişanê xo yê îşkeceyî ke bi talîmatê hukmatî kenê, medyaya sosyale de vila kenê. Nê têna kerdişê leşkerêk û polîsêk nîyê. Bi destê hukmatî yenê kerdene.

Goristanê Garzanî yê Bedlîsî ra 282 cenazayî ameyî vetene û înan ra 261 cenazayî kiştê rayîrê Goristanê Kilyosî de ameyî definkerdene. Îzahê naye ne dîn, ne îman ne zî merdimîye de esto. No karektero faşîst ê îqîtdarê AKP-MHPyî yo. Reyna destûr nêdîyeno ke wesayîtê şaredarîye cenazayan bikirişê û cenazayî camî û cemxaneyan de bêrê şutene û wecîbeyê dînî bêrê caardene. Heqo tewr bingeyên ê definkerdişî yeno binpaykerdene.Cenazayê ma pê kargoyan dîyenê destê dadîyan û gorê şehîdan verê çimanê keyeynê înan de yenê rijnayene. Senî ke dinya vera DAÎŞî vinderte ganî ewro vera faşîzmê AKP-MHPyî de vindere. No deynê merdimîye yo.

Wazenê ke şehîdanê ma vîrê ma ra raqilnê. Gorê Şêx Seîd û Seyîd Rizayan hema yenê nimitene. Hêzê şehîdanê ma ra tesenê coka wina hêriş kenê. Ê za zaf hole zanê ke eke peyê şarêk de wina arêtşa girde ya şehîdan esta û şar bin nêkeweno. Hukmatê tirkî rijîyayîşî ra terseno. Coka tim qala şer û hêrişan keno. Vera nê wehşetî çalakîyê bi her tewirî meşru yê. Ganî vera nê hêrişan hîsgêr bêro têgêryene ke vernîya înan bêro girewtene.''

ANF