Seba 16 rojnamegeran çalakîye: Serbest veradê

şemî 17 îlonê 2022 - 13:03

  • Seba 16 rojnamegeran 3 bajaran de malûmatî ameyê dayene û rojnamegeran rê kitab, mektub û qertî ameyê erşawitiş.

Hetê endamanê Komeleya Rojnamegeranê Dîclê û Firatî û Platformê Rojnamegeranê Cinîyan ê Mezopotamyayî ra seba 16 rojnamegeranê Kurdan Dîyarbekir, Wan û Mersîn de malûmatî ameyê dayene û rojnamegeran rê kitab, mektub û qertî ameyê erşawitiş.

Çalakîya Dîyarbekirî vernîyê PTTyî yê Bajarê Neweyî de ameye viraştene. Xeylê rojnemeger, sîyasetmedar û temsîlkarê dezgeyan beşdarê çalakîye bîyê. 

8 rojî binê çimî de mende

Hemsereka Komeleya Rojnamegeranê Dîcle û Firatî Dîcle Muftuoglû va, “20 înan rojnamegerî 22 kesî gêrêiyayê binê çimî û 8 rojî emnîyetî de mendê. Polîsan eşt ajans û şîrketanê JINNEWS, Pel, Piya û Arîyî ser û înan dest na ekîbmananê karî ser. Şîrketê Piya û Arîyî aşmêk binê ablûkayî de mendê û xebatkarî nêşkayê şorê karê xo ser”

16 Rojnamegerî ameyê girewtene

Dewamê malûmatî de ame vatiş ke, “22 kesan ra 16 rojnamegerî 8 rojan ra dima neqlê edlîya bîyê. Rojnamegerî Safîye Alagaş, Serdar Altan, Azîz Oruç, Mehmet Alî Ertaş, Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abburrahman Oncu, Suat Duguhan, Remzîye Temel, Ramazan Gecîken, Lezgîn Akdenîz û Mehmeh Şahîn bi îddîaya ‘endamtîya rêxistinî’ ameyê girewtene.

‘Rojnamegeran serbest veradê’

Muftuoglû dewamê malûmatî de va, “Hetê emnîyetî ra kamerayî, makînayê fotografî û arşîvî sey delîlê sûcî ameyê erjnayene. Ma ewro seba 16 rojnamegeran ameyê pêser. ser ra 3 aşmî vîyertê la derheqê rojnamegeran de îddîanemeyêk nêameyo hedrekerdiş û muraceatê ke vera girewtişî ameyê kerdene zî red bîyê. Ganî îddîanemeyêk bêro hedrekerdiş û embazê ma bêrê veradayîş. Heta ke çapemenîye azade nêba, ma nêşkenê behsê azadî bikerê. Ganî 16 rojnamegerî û pêro rojnameyê girewteyî bêrê veradayîş.”

MA / AMED

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.