Seba ke verê hêrîşan bêro girewtene yewîtîye lazim a

Parlamenterê YNKyî Bîryar Reşîdî dîyar kerd ke, seba ke hêrîşê Tirkîya bêrê vintertene ganî grûbê kurdan ê parlamentoyî yew bê.

Hêrîşê Tirkîya yê vera Zap, Avaşîn û Metîna dewam kenê. Parlamenterê YNKyî Dr. Bîryar Reşîdî derheqê hêrîşan de Rojnewsî rê erjnayîşî kerdê. Reşîdî va, “Mas ey fraksîyonê YNKyî nê hêrîşan şermezar kenê. Derheqê hêrîşa Silêmanîye de heyetêk amebi erşawitene. Ma do parlamento ra seba na hêrîşe kombîyayîşêk taleb bikerê.”

Reşîdî dîyar kerd ke, mintiqa de 100 hebî cayê eskerî yê Tirkîya estê û va, “Nînan ra 5 hebî yê hewayî yê. 4 hezar eskerê înan estê û 8 merkezê îstîxbaratî estê. Derheqê înan de Iraqî reyde peymanêk çin o û ganî nê merkezîan rê destûr meyero dayene.”

Reşîdî dewamê qiseykerdişê xo de va, “Seba ke Tirkîya mintiqaya Kurdistanî ra bêra vetiş ganî xebatî bibê. Ganî her kes vera hêrîşan de vindero. Seba ney zî ganî hîsîyatê ortaxî bibê û seba vergirewtişê hêrîşan ganî grûbê kurdan ê parlamentoyî yew bê.”

ROJNEWS/SILÊMANÎ