Seranserê Dîyarbekirî de xebata mîtîngî

HDPyijan şar silayna mîtîngê 6ê Tebaxe yê Meydanê Îstasyonî.

HDP seba mîtîngê Dîyarbekirî yê 6ê Tebaxe xebatanê xo ramneno. Wekîlê HDPyî seranserê Dîrarbekirî de kewtê mîyanê xebatan û şar mîtîngî rê silayîyeno. 

‘Ma do çareserîye bi şarî awane bikerê’

Wekîlê HDPyî Feleknas Ûca, Omer Ocalan, Hasan Ozguneş şîyê Baxlar û efnafê bazarî ameyê zîyaretkerdiş. Şar bi çapikan ame vera wekîlan. Badê zîyaretî hetê wekîlan ra malûmatêk ame dayene. Înan va ma do vera meseleyan şarî ra paştî bigerê û problemi do şarî reyde bêrê çareserkerdiş.

Problemê esnafan ameyê giştarîkerdiş

Pasûr, Ferqîn û Çermûgî de zî hetê HDPyijan ra şar û efnafî ameyê zîyaretkerdiş. Problemê esnafan ameyê goştarîkerdiş. Wekîlan va çareserîye ma de ya û Kurdan de ya. Şar mîtîngî rê ame silaynayîş.

Esnafî: Çareserî HDPyî de ya

Hetê wekîlanê HDPyî Dersîm Dag û Huseyîn Kaçmazî ra esnafê Sûrî ame zîyaretkerdiş. Şar û esnafî bi çapik û sloganan şîyê vera wekîlan. Hetê wekîlan ra şar mîtîngî rê ame silaynayîş. Esnafan va krîzê ekonomîyî ver ma kewtê tenganîye û çareserîye zî HDPyî de ya.

MA / AMED