Şêx Seîd û embazê ci meydanê Berê Koyî de ameyê yadkerdiş

Şêx Seîd û 46 embazê ci 29ê Hezîrane 1925î de meydanê Berê Koyî de ameyê dardekerdiş.

Şêx Seîd û 46 embazê ci 29ê Hezîrane 1925î de meydanê Berê Koyî de ameyê dardekerdiş. Serrgêra 97ine ya derdekerdişî de Şêx Seîd û embazê ci meydanê Berê Koyî de ameyê yadkerdiş. Yadkerdişî de partîyanê Kurdan, hêzê demokrasîyî û endamanê Komeleya Şêx Seîdî ca girewt.

‘Şêx Seîd rayberê ma yo’

Yadkerdişî de tornê Şêx Seîdî Mehmet Kasim Firatî va, “Ma rêça înan ra şonê. Lanet bêro îmhakaran û înkarkaran. Şêx Seîd rayberê ma yo. wazenê Kurdan îmha bikerê. Ma do wayîrê xoverdayîşê înan bivejîyê."

‘Cayê mezela Şêx Seîdî eşkera bikerê’

Bi nameyê partîyanê îttîfaqî yê Kurdistanî Sînan Çîftyurekî qisey kerd û va, “Hema zî cayê mezelanê înan dîyar nîyo. Mezela Seyîd Riza û Seîd Nursîyî zî dîyar nîyê. Ma do wayîrê înan bivejîyê. Partîyî yenê Dîyarbekir û derheqê meseleya Kurdan de qisey kenê. Şima hêverî cayê mezelanê bi hezaran eşkera bikerê.”

MA / AMED