Rêxistinê hiqûqî: Rojava de hedef girewtişê sivîlan sûcê şerî yo

Rêxistinanê hiqûqî gazîye kerde ke Tirkîya goreyê muqaveleleyanê mîyanneteweyîyan têbigêra û hêrişanê xo bivindarna.

Komeleya Hiqûsnasan a Seba Azadîye (OHD), Komeleya Hiqiqnasan a Hemdemî (ÇHD), Paştîdayîşê Awiqatan, Hiqûqnasê Seba Demokrasîyî, TOHAV û Awiqatê Demokrat ê Azadîwaştoxî derheqê hêrişanê Tirkîya yê ke Bakur û Rojhelatê Sûrîyeyî rê benê de malûmato nuştekî da.

Malûmatî ame dîyarkerdiş ke depoyê xeleyî, nêweşxaneyî, santrale ceyranî hedef gêrîyenê. Ame vîrardene ke goreyê Peymanê Cenevreyî hedefgirewtena cayanê sivîlan ameyo qedexekerdene. Reyna ame dîyarkerdiş ke hedefgirewtena cayanê sivîlan sûcê şerî yo.

‘Hêrişan bivindarnê’

Peynîya malûmatî de ame dîyarkerdiş ke ganî hêrişî bêrê vindarnayene û ame vatiş ke hedefgirewtena cayanê sivîlan ê şarî nîna qebûlkerdene. Peynî de ame vatiş ke, “Ma sazîyê hiqûqî gazîya Tirkîya kenê ke; wa goreyê muqaveleyanê mîyenneteweyîyan têbigêra, hêrişanê xo bivindarna û meseleya Kurdan bi muxatabanê ci çarçoweya haştîye de çareser bikera.”

MA / ÎSTANBÛL