Sûr de ‘Çarşîya Cinîyan’ abena

• Dîyarbekir de çar cinîyî ameyê têhet û Sûr de ‘Çarşîya Cinîyan’ akenê. Cînîyî vanê, “Hedreyîyê ma hema-hema qedîyenê, ma wazenê seba cinîyan wareyanê karî awan bikerê.”

MEDÎNE MAMEDOGLÛ - NÛJINHA / AMED

Dîyarbekir de çar cinîyî ameyê têhet û Sûr de ‘Çarşîya Cinîyan’ akenê. Cînîyî vanê, “Hedreyîyê ma hema-hema qedîyenê, ma wazenê seba cinîyan wareyanê karî awan bikerê.”

Qezaya Dîyarbekirî ya Sûrî de 4 cinîyî ameyê têhet û semedê ber û kedanê cinîyan ‘Çarşîya Cinîyan’ akenê. Înan keyeyêko tarîxî kira kerdo û tadîlatê ci zî înan bi xo kerdo. Ê wazenê na çarşîye de hem berhemanê xo hem zî berhemanê destan ê cinîyanê bînan biroşê. Ê vanê wa cinîyî karanê xo bikerê û raştê tehda û mobîngan meyerê. 

‘Pêro cinîyê kedkarî eşkenê tîya de kare xo bikerê’

Nê cinîyanê kedkaran ra Gulîstan Aşkin eynî wextî de ressam a zî. Gulîstan mekanî bi resmanê xo xemilnayê. Gulîstan v ama do tîya de berhemanê karê destan biroşê. Çarşîya Cinîyan de do xeylê dikanî ca bigerê. Gulîstan Aşkin va, “Ma wazenê wa cinîyî raştê taciz û mobîngî meyerê û wa karê xo bi zerra weraxe bikerê. Ma bi xo no ca peyda kerd û reybna m abi destanê xo restore kerd.”

‘Ma paweyê cinîyanê Sûrî yê’

Gulîstan Aşkin va, “Ma wazenê ma cinîyî ma bieşnayê. Ma zanê sey tersî, cesaret zî lez beno vila. Xususen ma wazenê wa cinîyê Sûrî pay ra vinderê. Wa cinîyê Sûrî bimojnê ra ke ê mecbûrê çewî nîyê. Çarşîya ma do mîyanê hefteyêkî de abiba. Ma paweyê cinîyanê Sûrî yê.”