‘Ma do qeyûmî bierşawê’

MA / Eylem AKDAG / AMED

Delegeyanê ke Amed de raya xo daye dîyar kerd ke ê do qeyûmî bierşawê.

Partîya Têduştî û Demokrasî ya Şaran (DEM Partî), vîzêr Amed de verweçînayîş viraşt. Delegeyanê ke qezaya Sûrî de raya xo eşte derheqê verweçînayîşî de erjnayîşî kerdê.

Delegeyan ra Kemal Selçukî va, “Seba ke partîya ma sîstemêko winasî ard ma zaf keyfweş ê. Qeyûman ver cografayaya ma apey de şîye. Ma do qeyûman bierşawê û wayîrê îradeyê xo bivejîyê. Çen qeyûman bierzê zî ma do wayîrê îradeyê xo bivejîyê.”

‘Ma zulmê qeyûman nêwazenê’

Delegeyan ra Necdet Sariyî va, “Ma hinî bajaranê xo de zulmê qeyûman nêwazenê. Coka, ma wayîrê nê weçînayîşê şarî vejîyenê. Ma qeyûman nêwazenê. Nê weçînayîşî tarîxî yê. Wa şarê ma rê bi xêr bê.”

‘Ma do îradeyê xo têpîya bigerê’

Asaf Oruçî va, “Ma raya Rayberê xo ra û şarê xo ra şonê. Ma mecbûrê rêça ey ra şorê. Hema zî binê îşkenceyî de yo. Ma do îradeyê xo têpîya bigerê. Vera înkarkerdişîîradeyê Kurdan meydan dde yo.”

‘Kurdî do serbikewê’

Nacîye Topdemîr a 92 serrî zî şîye sindoqe ser û va, “Ma Amedî bigerê û wa qeyûm şêro. Nê serranê xo de ez seba şarê xo ameya. Qet meraq mekerê ma do serbikewê.” Emîne Çakir a 86 serrî zî va, “Ma rayê xo eşte. Kurdî wazenê azad bê. Wa Kurdî hîna zêde bibê wayîrê hişmendîye.”