Wendekaranê MED-DERî paştî da kampanyaya ronayîşê daran

• Komeleya Ekolojîyî aşma Nîsane sey wextê ronayîşê daran dîyare kerde û kampanyayêk da dest pêkerdiş. Wendekaranê MED-DERî paştî da na kampanyaya ronayîşî daran.

Komeleya Ekolojîyî aşma Nîsane sey wextê ronayîşê daran dîyare kerde û kampanyayêk da dest pêkerdiş. Wendekaranê MED-DERî paştî da na kampanyaya ronayîşî daran.

Komeleya Ekolojî xebatanê xo Dîyarbekirî de ramnena. Komele wazena mîyanê şarî de hîşmendîyêka ekolojîke awan biba. Emser zî înan kampanyaya ronayîşê daran daya dest pêkerdiş. Bi taybetî komele wazena daristanê ke operasyonanê eskeran de ameyê vêşnayene, reyna bibê kewe. Kampanyaya ronayîşê daran a ke înan daya destpêkerdiş raşta zî zaf muhîm a û welatî zî paştî danê nê xebatan. Emser wendekaranê MED-DERî zî paştî daya na kampanyaye. Domanan mehleya Baxcilarî ya Dîyarbekirî de darî nayê ro û înan dima va, “Ti zî darêk rone, cuye zengûn bike.”

“Bêrê ma ameyoxê xo zergûn bikerê”

Ronayîşê daran ra dima, hemsereka MED-DERî Şîlan Elmas Kan qisey kerd û vate; “Ma ewro ameyê û ma waşt ma paştî bidê kampanyaya Komeleya Ekolojîyî. Ganî pêro şarê ma paştî bidon a kampanyaye. Bêrê ma pêropîya ameyoxê xo zergûn bikerê.”

MA / AMED