Tehdaya Tirkîya ver xerîteya Kurdistanî ameye wedartiş

• Tehdata Tirkîya ver xerîteya Kurdistanî ya Zaningehê Zaxoyî ameye wedartiş, tena xerîteya Kurdistanê Başûrî mende.

Demêk verî cû xerîteya Kurdistanî Fakulteya Zanistanê Merdimîye yê Zaningehê Zaxoyî ra ameybî dardekerdiş. Goreyê malûmatan, xerîteya Kurdistanî tehdaya Tirkîya ver ameye wedartiş û tena xerîteya Kurdistanê Başûrî mende.

Xerîteya Kurdistanî hetê serektîya Zaningehê Zaxoyî ra ameybî dardekerdiş û reyna hetê înan ra ameya wedartiş û tena xerîteya Kurdistanê Başûrî ameya dardekerdiş.

Goreyê malûmatan, xerîtaya Kurdistanî zîyaretê Wezîr Aydin Marufî ra dima ameya wedartiş. Reyna yeno zanayîş ke, Aydin Maruf Tirkmen o û mabênê ey û Tirkîya de têkilîyê xurtî estê. Hetê Aydin marufî ra Beşa Tirkî ya azaningehî ameya zîyarerkerdiş û xerîtaya Kurdistanî hetê ey ra ameya dîyayene. 

Goreyê malûmatanê çimeyan, Tirkîya Marufî ser ra tehdaya zaningehî kerda ke xerîtaye Kurdistanî bêra wedartiş.

Heta nika hema hetê zaningehî ra derheqê wedartişê xerîteya Kurdistanî de çîyêk nêameyo vatiş. 

Derûdorê Zaxoyî de xeylê cayê eskerî yê Tirkîya estê. Nînan ra teber zî mîyanê sînoranê Zaxoyî de xeylê merkeze MÎTî estê.

ROJNEWS/MERKEZÊ XEBERA