Tirkîya beno ke Sibate de hêrîşe bikera

• Fermandarê QSDyî Mazlûm Ebdîyî va dîyar kerd ke, beno ke Tirkîya Sibate de hêrîşe bikera.

Fermandarê QSDyî Mazlûm Ebdîyî va dîyar kerd ke, beno ke Tirkîya Sibate de hêrîşe bikera û va, “Ma zanê ke Erdogan wazeno miletperweran ra paştî bigero.”

Fermandarê QSDyî Mazlûm Edbîyî derheqê tehtîdanê Tirkîya û pêvînayîşanê Enqera û Şamî de Al Monitorî ra Amberîn Zemane rê erjnayîşî kerdê. 

Mazlûm Ebdîyî derheqê hêrîşanê Tirkîya de va, “Ma vera sînoranê Tirkîya, şarê Tirkîya tehtîd nîyê. Ma timûtim va û ma vanê ma wazenê Tirkîya reyde têkilîyanê haştîye wazenê. Vera Tirkîya nîyetê ma yo dişmenîtî çin o.

‘Tirkîya nêşkena meseleya Kurdan çareser bikera’

Ebdîyî dîyar kerd ke, Tirkîya nêşkena meseleya Kurdan çareser bikera û va, “Ma timûtim raştê hêrîşanê Tirkîya yenê. Ma nînan qebul nêkenê. Santralê ceyranî, tesîsê petrolî zirar vînenê. Tirkîya wazena Îradeyê Xoserî çin bikera. Tirkîya nêşkena xo mîyan de meseleya Kurdan çareser bikera û hêrîşa şarî û Kurdanê teberî kena. Ganî Tirkîya na polîtîka ra fek verada.”

‘Kedê Amerîka qîm nêkenê’

Ebdîyî derheqê kedanê Amerîka de va, “Amerîka bi eşkera dîyar kerd ke, vera Sûrîye hêrîşanê Tirkîya qebul nêkena. La Tirkîya reyna zî vera ma tehtîdanê xo ramnena. No zî mojneno ke, kedê Amerîka qîm nêkenê. Ganî hîna zêde çîyî bêrê kerdene. Eke ma raştê hêrîşan bêrê, ma do xo ver bidê. Narey do sey Efrîn û Serêkanîyê mebo. Rewşêka winasî de, ma do oerasyonanê xo yê vera DAÎŞî bivindarnê.”

‘Ez bawer nêkena ke têkilîyanê Enqera û Şamî ra çîyêk bivejîyo’

Derheqê pêvînayîşanê Enqera û Şamî de Ebdîyî va, “Rusya wazena Tirkîya û Rejîmê Sûrîyeyî maeyêk de ronişna. La ez bawer nêkena ke nê pêvînayîşan ra çîyêk bivejîyo. Rejîm do waştişanê x ora tavîz medo. Rejîm Tirkîya ra vano, pêro hêzanê xo Sûrîye ra biance û paştî mede grûbanê muxalîfanê çekdaran. Tirkîya do biwaza ke Îdareyo Xoser bêro çinkerdiş. Seba ney zî destê înan de çîyêk çin o û îmkanî zî seba plananê înan nîyê.”

YENÎ YAŞAM