‘Tirkîya wazena Rojawan û Başûrî îşxal bikero’

Serkêşîya KNKyî de Başûrê Kurdistanî de komxebata ‘Serra 100. Ya Lozanî de Kurdî Gêrenê Çareserîye’ ameye kerdene.

Endama Polîtburoyê YNKyî Bilêse Cebar Fermane ard ziwan ke Dewleta Tirke polîtîkaya îşxalkere rayra bena û wina vat: “Tirkîya cara wazena ke Başûr û Rojawanê Kurdistanî, Yunanistan û Bulgaristanî serê erdê xo bikera. Kurdî ganî pê ney hişyar bibê.”

Endama Polîtburoyê YNKyî Bilêse Cebar Fermane da zanayene ke hînî peynîya dewleta tirke ya ke 100 serrî verî ronîyaya ameya û coka dewleta tirke wazena erdê xo hîra bikera. Bilêse vat: “Tirkîya bi zelalî nê waştişê xo ana ziwan. Tirkîya ronîyayîşê xo ra 16 serrî tepîya şaristanê Sûrîye (Antakya) xo ra girê dabî. No zî mojneno ke madeyê Peymana Lozanî eşkenê bêrê vurnayene. Tirkîya cara wazena ke Başûr û Rojawanê Kurdistanî, Yunanistan û Bulgaristanî serê erdê xo bikera. Kurdî ganî pê ney hişyar bibê.”

Şorel Xidirî ard ziwan ke Peymana Lozanî sebebê alozîya pêro Rojhelatê Mîyanênî ya û vat: “Tewr zaf şarê kurdî na peymane ra zerar dî. Kurdistan ame kerdene çar parçeyî, kurdî raştê qirkerdişan ameyî. Heyf ke kurdî nêeşkayî vera Peymana Lozanî yew bibê. KNKyî na mesuldarîye girewte xo ser û serra 100. de konferansêkê pîlî virazeno. Ma armanc kenê ke vera Peymana Lozanî tewir û stratejîyêka hempare vejê werte.”

XWEBÛN