TMMOB Amed: Ma do sere menê ro

TMMOB Amedî binçimgirrewtiş û girewtişî şermezar kerd û dîyar kerd ke, ê do vera nê zîhnîyetî sere menê ro.

TMMOB Amedî, vera binçimgirwtiş û girewtişan vernîya edlîya de malûmat da. Xeylê endamê TMMOBî û îdarekarî bîyê beşdarê malûmatî.

‘Ma sere nêna ro’

Verê malûmatî Sekretera Pêroyî ya TMMOBî Dersîm Gue qisey kerd û va, “Verê weçînayîşî nê operasyonî yenê kerdene. Ma kefîlê embazanê xo yê. Înan sûcêk nêkerdo. Ma nê çîyî zaf dîyê la ma sere nêna ro. Wa nê kerdenanê xo ra fek raverdê. Ma hetê embazanê xo de yê.”

‘Tedayî nêşkenê verê ma bigerê’

Verfekê koordînasyonî Alîcan Çetînkayayî va, “Seba ke weçînayîşî sabote bikerê û şarî bitersnê nê operasyonan kenê la ma verî ra zanê ke feydeyê înan çin o. Înan xoserîya hiqûqî wedarite û bi şîdet wazenê waştişanê heqan bipelixnê. Ma vera înan sere nêna ro û ma do menê ro zî. Ma reyna tîya ra îfade kenê, embazê ma yê ke bêhiqûq gêrîyayê binê çimî ganî bêrê veradayîş. Ma do koyanê tersî bivîyarnê û peynîya îqtîdarê şima biyarê. Ma do embazanê xo bigerê û înan reyde ameyoxê azadî awan bikerê.”

MA / AMED