Vera hêrîşanê Tirkîya gazîya seferberîye

• Sazîyanê Ziwan û kulturî dîyar kerd ke, hêrîşê Tirkîya nasnameyê Kurdan rê yenê kerdene û vera hêrîşan gazîya seferberîye ameye kerdene.

Sazîyanê Ziwan û kulturî dîyar kerd ke, hêrîşê Tirkîya nasnameyê Kurdan rê yenê kerdene û vera hêrîşan gazîya seferberîye ameye kerdene.

Tirkîya bi teyareyanê şerî hêrîşa Bakur û Rojhelatê Sûrîyeyî, Başûrê Kurdistanî û Şengalî kerde. Hêrîşanê Tirkîya ver 13 kesî merdê û 6 kesî zî birîndar bîyê. Sazîyanê ziwan û kulturê Kurdan ra, vera hêrîşanê Tirkîya gazîye seferberîye ameye kerdene.

Heqê cuya azade yê Kurdan

Malûmatê şerîkî yê sazîyan de ame vatiş ke, “Erdê xo ser de, bi nasnameyê xo, ziwanê xo, hunerê xo, kulturê xo û edebîyatê xo azad cuwîyayîş heqê ma yo bingeyî yo. La hêzê îşxalkarî seba ke ney asteng bikerê, esrêk ra nat hêrîşa Kurdan û Kurdistanî kenê.”

Vera estbîyayîşê Kurdan hêrîşe

Malûmatî de ame vatiş ke, “Hêrîşanê kîmyewîyan ê Tirkîya de domanî, cinîyî, rojnameggerî, nuştox û sivîlî yenê qetilkerdiş. Nê hêrîşî sûcê merdimîye yê. Tewr peynî Îranî Rojhelat û Başûrî de, dewleta Tirke Rojava û Başûrî de bi wehşîtîye hêrîşa Kurdan kerde. Nê hêrîşan de tede rojnameger, doman û cinî zî xeylê kesî ameyê qetilkerdiş. Nê hêrîşî eynî wextî de vera nasname, ziwan, kultur û azadîya Kurdan yenê kerdene.”

Ganî vera hêrîşan têgêrayîşî bibê

Malûmatî de hêrîşî ameyê şermezarkerdiş, partîyanê sîyasîyan rê, sazîyanê sivîlan rê, roşnvîr, nuştox û hunermendan rê gazîye ameye kerdene û ame vatiş ke, “Vera hêrîşanê ke Kurdan rê benê ganî her kes wirzo payan ser. Her ca de vera qetlîaman û hêrîşan têgêrayîşî bibê û ganî her kes vengê xo berz bikero. Roje, roja rûmetî, yewîtîye û yewîtîya neteweyî ya Kurdan a û ganî bi ruhê seferberîye xoverdayîşê azadîye bêro pîlkerdene.”
Sazîyê ziwan û kulturî

Sazîyê ke îmzaya xo nê malûmatê şerîkî de esta nê yê:

Mezopotamya Kürt Araştırmaları Derneği, Destar Dergisi, İstanbul Kürt Enstitüsü, Diyarbakır Kürt Enstitüsü, Kürt Edebiyatçılar Derneği, Stockholm Kürt Enstitüsü, Brüksel Kürt Enstitüsü, Almanya Kürt Enstitüsü, İsviçre Enstitüsü, Ari Dil ve Kültür Araştırmaları Derneği, Botan Dil ve Kültür Araştırmaları Derneği, Avesta Dil ve Kültür Araştırmaları Derneği, Arsisa Dil ve Kültür Araştırmaları Derneği, Anka KürtDil ve Kültür Araştırmaları Derneği, Ferat Dil ve Kültür Araştırmaları Derneği, Birca Belek Dil ve Kültür Araştırmaları Derneği.

MA / AMED