‘Wa Konsolosxaneyê Tirkîya bêro padayene’

în 22 tîrmehê 2022 - 16:01

Seyrangehê dewa Zaxoyî ya Perexî hetê Tirkîya ra ame bombakerdiş û sîvîlî ameyê qetilkerdiş. Şarê Iraqî vejîya kuçeyan û hêrîşa Tirkîya ameye protestokerdiş.

Qetlîamê Zaxoyî xeylê bajaranê Iraqî de ame protestokerdiş. Şar vernîyê Konsolosxaneyê Tirkîya de ame pêser û înan waşt Konsolosxaneyê Tirkîya bêro padayene.

Tirkîya 20ê Temûze de bombayî eştê seyrangehê dewêka Zaxoyî. Hêrîşe de 9 turîstî merdê û xeylê sîvîlî birîdar bîyê. Hêrîşe sey Roboskîyo newe ame namekerdiş. Şarê Iraqî xeylê bajaran de vejîya kuçeyan û Tirkîya ameye protestokerdiş.

Bexdat ra heta Basra çalakîyî bîyê

Bexdatî de paştîdayoxê Hereketê Sadrî vejîyayê kuçeyan. Şar şi vernîyê Konsolosxaneyê Tirkîya û şarî alaya Tirkîya arde ware. Vernîyê Konsolosxaneyî de adir ame wekerdiş û şarî waşt Konsolosxaneyê Tirkîya bêro padayîş. Kerbela, Basra û Necefî de Merkezê Vîzeyan ê Tirkîya ameyê padayîş. Kerkukî de zî Merkezê Vîzeyan ê Tirkîya hetê şarî ra ame padayîş û şarî v ama do meverdê Tirkîya tîya de kar bikera. Merkezê Vîzeyan ê Tirkîya yê Silêmanîyeyî zî ame padayene.

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.