Wan de festîvalê tîyatroyî dest pêkeno

Nûçeyên Çand/Huner

duşem 19 îlonê 2022 - 09:27

Festîvalê Tîyatroyî yo 3in do bi rayberîya ŞanoWanî 23ê Êlule de dest pêbikero. 

Wan de hetê ŞanoWanî ra festîvalê tîyatroyî yeno viraştene. Festîval do mabênê 23-30ê Êlule de bêro viraştene. Kayî do sahneyê ŞanoWanî de bêrê kaykerdene. Pêro pîya do 10 kayê tîyatroyî festîval de bêrê kaykerdene.

Xebatkara Şanowanî û kaykerdoxe Perînaz Delazy derheqê festîvalî de qisey kerd. Perînaz Delazy va, “Ma wazenê tîyatroyê Kurdan her ca ra vila bikerê û aver de berê. Ma wazenê wa beşdaroxî bi kinc û kolanê gelêrîyan beşdarê festîvalî bibê.”

‘Festîval do bibo nefesêk’ 

Perînaz Delazy va, “Ma verî cû xebatanê xo bi nameyê Tîyatro Mencelî ramitêne û nika ma nameyê xo kerdo ŞanoWan. Ma wazenê bi xebatanê xo yê neweyan û bi nameyê xo yê neweyî bivejîyê verê temaşekerdoxan. Hem pandemîyî ver hem zî sebebanê cîya-cîyayan ra Wan de kayê tîyatroyî zaf nêameyêne kaykerdene. Ma waşt festîvalêk bivirazê û bibê şarî rê bibê nefesêk.”

Festîval bi kayê Çomakî dest pêkeno

Delazy dewamê qiseykerdişê xo de va, “Ma waşt wa akerdişê festîvalî bi kayê Îlhan Samî Çomakî bibo. Kayê ci Sehneyê Modayî de amebi kaykerdene. Ma wazenê bi kayê şaîrî bale biancê rewşa hepsîyan û ma wazenê temaşekerdoxî cuya Îlhan Samî Çomakî bivînê. Ma pêro şarê xo silaynenê festîvalê xo.”

Bernameyê Festîvalê Tîyatroyî yê ŞanoWanî wina yo:

*23ê Êlule saete 20.00î de ‘Hayat Seni Çok Seviyorum’
*24ê Êlule saete 15.00î de ‘Hayat Seni Çok Seviyorum’
*24ê Êlule saete 20.00î de ‘Serbaz’
*25ê Êlule saete 15.00î de ‘Bir Kadın Uyanıyor’
*25ê Êlule saete 20.00î de ‘Pirimis’
*26ê Êlule saete 15.00î de ‘Tu Ne Gara Yî’
*26ê Êlule saete 20.00î de ‘Buka Lekî’
*27ê Êlule saete 15.00î de Hinek Henek
*27ê Êlule saete 20.00î de Hinek Henek
*28ê Êlule saete 15.00î de Hinek Henek
*28ê Êlule saete 20.00î de ‘Dek û Dolabên Scapen’
*29ê Êlule saete 20.00î de ‘Tenê Ez’
*30ê Êlule saete 20.00î de ‘Hay Lo Dîsa Tevlî Hev Bû’

MERKEZÊ XEBERAN

parvê bike

   

Yeni Özgür Politika

© Copyright 2022 Yeni Özgür Politika | Mafên belavkirinê parastî ne.