Wendekaranê Amedî rê neheqîye kenê

Amed de do 120 hezar wendekarî do bikewê îmtîhanê unîversîteyî. 40 hezar wendekarî do bajaranê bînan de bikewê îmtîhan.

Îdarekarê Şubeyê Diyînî yê Amedî yê Egitim-Senî Fesîh Zîrekî îfade kerd de 40 hezar wendekaranê Amedî rê neheqîye yena kerdene û wina vat: “Tayê wendekarî est ê ke neçarî ra do Qibris de bikewê îmtîhanî. No kerdiş mexdûrîyêka pîle vejeno werte.”

Zîrekî derheqê babete de ANFyî rê ercnayîşî kerdî. Zîrekî da zanayene ke no kerdiş vera wendekaran binpaykerdişê heqî yo û vat: “Tayê wendekarî est ê ke neçarî ra do Qibris de bikewê îmtîhanî. No kerdiş mexdûrîyêka pîle vejeno werte.

Cara nê îmtîhanî wendekaran ser o tesîrêkê cidîyî kenê. Ciwanî nê îmtîhanan de hêvîya cuya xo vînenê. Xora semedê erdlerzî ra psîkolojîya ciwananê ma hol nîya. Rewşêka winayêne de ma qebul nêkerd ke na bara ciwananê ma bizêdîya. Derheqê babete de ma dezgehê perwerdeyê neteweyî yê şaristanî de pêvînayîş kerd. Netîce de cayê 5 hezar wendekaran vurîyayî. La no zî qîm nêkeno. Muracatê ma ra dima 23 dibistanê cîyayî reyna sey merkezê îmtîhanî ameyî mojnayene. Îmtîhanî nê cayan de do bêro kerdene la no qîm nêkeno.”
 
XWEBÛN